भदौ १५ जुम्ला
पछिल्लो समयमा नकेपा (एमाले) निकटको विद्यार्थी संगठन अनेरास्ववियुमा विद्यार्थीको आवद्ध हुने क्रममा बढी रहेको छ । अनेरास्ववियुका सचिवालय सदस्य बिराज भण्डारीको विशेष पहलमा विद्यार्थी अनेरास्ववियुमा आवद्ध भइ रहेका छन् । गत शनिबार ३३ जना विद्यार्थी अनेरास्ववियुमा आवद्ध भएकोमा भदौ १४ गतेको शनिबारका दिनमा पुनः ३५ जना विद्यार्थी आवद्ध भएका हुन् ।
यसले गर्दा विद्यार्थीको आकर्षण अनेरास्ववियुमा देखिएको छ । विद्यार्थीको हकहितका पक्षमा काम गर्ने अनेरास्ववियुले शैक्षिक सवालहरु जोडतोडका साथ उठाई रहेको छ । शैक्षिक मुद्दामा बलियो भएकै कारण जुम्ला बहुमुखि क्याप्स जुम्लामा अनेरास्ववियुकै नेता लोकेकन्द्र बुढाले नेतृत्व गरि रहनु भएको छ ।
नयाँ पुस्तामा राजनीतिक वितृष्णा जागेको भनि रहेका बेला नेकपा (एमाले) प्रतिको आकर्षण नयाँ पुस्तामा देखिएको छ । चीन भ्रमणमा रहनु भएका प्रधानमन्त्री केपी शर्मा ओलीले चिनियाँ राष्ट्रपति सि चिनफिङसँग लिपुलेक नेपाली भूभाग भएकाले लिपुलेकमा चीन र भारतबीच हालै भएको व्यापारिक मार्ग निर्माणको सहमति आपत्तिजनक जनाएको विषयले राष्ट्रभक्तिका रुपमा चिनाएको छ । केपि ओलिको राष्ट्रभक्ति प्रति नयाँ पुस्ताको आकर्षण एमाले प्रति बढेको देखिन्छ ।
एउटै स्थानीय तह गुठिचौर गाउँपालिकाका ३५ जना विद्यार्थी अनेरास्ववियुमा आवद्ध भएको भण्डारीको भनाइ छ । गुठीचौर गाउँपालिकामा भएको प्रथम अधिवेशनबाट रमेश परियारको नेतृत्वमा ३५ सदस्यीय पालिका स्तरीय कमिटी सर्वसम्मत रूपमा गठन भएको छ ।
जसको उपाध्यक्षमा सुजता खत्री, उपाध्यक्षमा तपेन्द्र खत्री, सचिव गंगा प्रसाद प्याकुरेल, सह–सचिव पुस्तिका बुढा, सह–सचिव राजकुमार परियार, कोषाध्यक्ष नवीन सार्की र सदस्यमा तपेन्द्र खत्री सहित ३५ सदस्यीय कमिटी गठन भएको सचिवालय सदस्य भण्डारीले जानकारी गराउनु भयो ।
गुठिचौर गाउँपालिका इन्चार्ज नविन जोशीको अध्यक्षता, अनेरास्ववियु सचिवालय सदस्य बिराज भण्डारीको प्रमुख आतिथ्यता, नेकपा एमाले उपाध्यक्ष प्रेम बुढा विशेष अतिथि, अनेरास्ववियु केन्द्रिय कमिटी सदस्य तथा जुम्ला जिल्ला इन्चार्ज रतननाथ योगी र अनेरास्ववियु जुम्ला जिल्ला संयोजक अनिलजंग महत सहितको सहभागितामा गुठिचौरमा प्रथम अधिवेशन भएको हो ।
