भदौ ८ जुम्ला
वल्डभिजन इन्टरनेशनल नेपालको सहयोगमा किर्डाक नेपाल जुम्लाले सञ्चालन गरिरहेका विभिन्न कार्यक्रमहरूको आईतबार संयुक्त अनुगमन गरिएको छ । अनुगमन टोलीको जिल्ला समन्वय समिति जुम्लाका प्रमुख गौरीनन्द आचार्यले नेतृत्व गर्नु भएको थियो । अनुगमन टोलीले जुम्लाका चारवटा गाउँपालिका तिला, तातोपानी, गुठिचौर र पातारासी साथै चन्दननाथ नगरपालिकामा सञ्चालित कार्यक्रमहरूको अवस्था अवलोकन गरेको हो । तातोपानी गाउँपालिका–१ राँकास्थित चेतनशिल कृषि स्याउ समूह, तातोपानी–२ बाबिरास्थित बाबिरा मष्ट जलवायु मैत्री कृषक पाठशाला, तातोपानी–५ श्रीनगरस्थित देउती आलु उत्पादन समूह र चन्दननाथ नगरपालिका–१० गैरागाउँस्थित उर्जनशील महिला आलु उत्पादन समूहमा पुगेर टोलीले कार्यप्रगति बारे जानकारी लिएको छ ।
तरकारीखेतीबाट घरखर्च संचालन
तरकारी उत्पादन गर्दै महिलाहरू आत्मनिर्भर बन्न थालेका छन् । चन्दननाथ नगरपालिका–१० गैरागाउँमा रहेको उर्जनशील महिला आलु उत्पादन समूहका अध्यक्ष फुलमाया शाही (न्यौपाने)ले तरकारी खेती गर्ने ज्ञान पाएपछि समूहका महिलाहरूको जीवनयापन सहज बनेको बताउनुभयो । तरकारीखेती नगर्दा सामान्य खर्चका लागि श्रीमानसँगै अनुरोध गर्नुपथ्र्यो, तर अहिले तरकारी बिक्री गरेरै घरखर्च चलाउन सक्ने भएका छौँ, अध्यक्ष शाहीले भन्नुभयो । उहाँका अनुसार तरकारी उत्पादनले महिलाहरूलाई आत्मनिर्भर बनाउन मात्र नभई परिवारको आर्थिक सुधारमा समेत योगदान पु¥याएको छ ।
जलवायु मैत्री खेतीतर्फ महिलाको आकर्षण
जलवायु मैत्री खेती प्रणालीमा महिलाहरूको सहभागिता बढ्दै गएको छ । तातोपानी गाउँपालिका–२ बाबिरामा रहेको बाबिरा मष्ट जलवायु मैत्री कृषक पाठशालाका अध्यक्ष शान्ति बुढाले मौसम अनुसारको खेती गर्ने ज्ञान हासिल गरेपछि उत्पादनमा वृद्धि भएको बताउनुभयो । पाठशालाबाट सिकेका सीपहरूले उत्पादनमा राम्रो सुधार भएको छ । पहिले परम्परागत तरिकाले मात्र खेती गथ्र्यौँ, तर अहिले मौसम र परिस्थिति अनुसार आधुनिक खेती गर्न सिकेको बुढाले भन्नुभयो । उहाँको भनाइमा जलवायु मैत्री खेतीले गाउँमा महिलाको सक्रियता बढाएको छ । र कृषिमा आधुनिक अभ्यासलाई प्रोत्साहन दिएको छ ।
