जुम्ला । चन्दननाथ नगरपालिका बोहोरा जाने बाटो छिना सागु नजिक का केही घरहरुमा दिउसो राती गरेर पटक पटक चोरी भैरहेको छ । बैशाख मा पार्वती महत कोघर मा झ्याल फोडेर पैसा लगेर चोरी भएको हो ।र यस्तै गरि कार्तिक को ९ गते दिउसो को १२ बजे देखी ५ बजे सम्मको समयमा झ्याल फोडेर ७ लाख पैसा लगेको दल बहादुर रोकाय ले भताए।
यस्तै गरि यहाँका विभिन्न घरहरुमा पटक पट्क चोरी हुदै आइरहेको यहाका स्थानीयहरुले बताए । र तस्तै गरि श्री जयबहादुर कठायतको घरमा मंसिर १९ गते राति को १ बजे तिर चार जना अज्ञात व्यक्तिहरू धारिलो हतियारसहित पुगेको र ढोका खोल्ने प्रयास गरेको घटनाले स्थानीयवासी चिन्तित त्रसित र आक्रोशित बनेका छन्।
राति करिब १ बजे भएको घटनामा ती व्यक्तिहरू करिब आधा घण्टा घरको ढोकामै बसेर जबर्जस्ती प्रवेश गर्न खोजेको स्थानीय लगायत कठायतले बताएका छन्।
घटना भइरहेका बेला घरधनी कठायतले जिल्ला प्रहरी कार्यालय जुम्लामा दुई पटक फोन गरी तत्काल सहयोग माग्दा पनि सुरक्षाकर्मी नआएको गुनासो स्थानीयहरूको र कठायतको छ। प्रहरी कार्यालयले “सुरक्षाकर्मी पठाइने” जनाएको भए पनि घटनास्थलमा एक जनासम्म प्रहरी नआएपछि कठायतले छिमेकीहरूलाई खबर गरेका थिए। छिमेकीहरू गएपछि मात्र ती अज्ञात व्यक्तिहरू भागेका थिए।
जिल्ला सदरमुकामबाट करिब १ किलोमिटर दूरीमा रहेको वस्तीमा यति गम्भीर आपतकालीन अवस्थामा पनि प्रहरी समयमै नआएको विषयलाई लिएर वडावासीले कडा आपत्ति जनाएका छन्। स्थानीयको भनाइ छ— “घटना घटिसक्दा पनि प्रहरी नआउने हो भने १ किलोमिटर दूरीमा बस्ने नागरिकको सुरक्षा कसरी सुनिश्चित हुन्छ?” र टाढा टाढा का नागरिकले कसरी सुरक्षा पाउन सक्छन् त ।
घटनापछिको दिन यहाँका बस्ती वडावासीहरूले आज जिल्ला प्रशासन कार्यालय, जुम्लामा सामूहिक ध्यानाकर्षण निवेदन पेश गर्दै तत्काल उनिहरुलाइ पक्राउ गर्न र आवश्यक कारबाहीको माग गरेका छन्।
स्थानीयवासीले राखेका प्रमुख मागहरूः घटनाको पूर्ण छानबिन गरी संलग्न व्यक्तिहरू पहिचान गरी कानुनी कारबाही गर्नुपर्छ। प्रहरी प्रशासनबाट देखिएको सुरक्षाको लापरवाहीबारे स्पष्ट स्पष्टीकरण दिनुपर्छ छिना सागुका आसपासका वडाहरूमा बस्ती हरुमा नियमित गस्ती तथा स्थायी सुरक्षा व्यवस्था मिलाइनुपर्छ। पछिल्लो समय दोहोरिँदै आएका यस्ता जोखिमपूर्ण घटनाहरू नियन्त्रणका लागि प्रभावकारी सुरक्षा संयन्त्र लागू गर्नुपर्छ।
ध्यानाकर्षण पत्रमा जयबहादुर कठायत, पार्वती महत, मीना कुमारी गुरुङ, गोरखबहादुर थापा, हर्षबहादुर शाही, मानबहादुर रोकाया, सितादेवी रावल, एकुमाया कठायत, टीकाराज आचार्य, गीता कुमारी शाही लगायत स्थानीयवासीको हस्ताक्षर रहेको छ।
स्थानीयले आगामी दिनमा पनि प्रहरी प्रशासनले यस्ता घटनालाई सामान्य नभई गम्भीर सुरक्षाजन्य चुनौतीको रूपमा लिएर तत्काल उपस्थित हुने व्यवस्था गरिनुपर्ने माग राखेका छन्।
