जुम्ला असोज भोलि ६ गतेदेखि जुम्लामा ‘जुम्ला आइडल’ प्रतियोगिता सुरु हुने भएको छ। स्थानीय स्तरमा लुकेर रहेका प्रतिभालाई राष्ट्रिय मञ्चसम्म पुर्याउने लक्ष्यका साथ यो कार्यक्रम आयोजना गरिएको आयोजक समितिले जनाएको छ।
आयोजक समितिका अनुसार प्रतियोगितामा जुम्ला, हुम्ला, मुगु, डोल्पा, कालिकोटसहित कर्णाली प्रदेशका अन्य जिल्लाका प्रतिस्पर्धीहरू सहभागी हुनेछन्। प्रारम्भिक चरणमा हुने अडिसनपछि छनोट भएका प्रतिस्पर्धीहरूले गायन, नृत्य, वादन र विभिन्न सिर्जनात्मक प्रस्तुतीमार्फत आफ्नो कला प्रदर्शन गर्नेछन्।
निर्णायक मण्डलमा स्थानीय तथा राष्ट्रिय स्तरमा परिचित कलाकार र संगीतकर्मीहरू रहनेछन्। उनीहरूले प्रस्तुतिको आधारमा अंक प्रदान गर्नेछन्।
प्रतियोगिताले युवाहरूमा आत्मविश्वास बढाउनुका साथै जुम्लाको सांस्कृतिक पहिचानलाई देशव्यापी रूपमा चिनाउने अपेक्षा गरिएको छ। साथै, यसबाट उदाएका कलाकारलाई भविष्यमा विभिन्न कार्यक्रम र प्रतियोगितामा सहभागी हुने अवसर पनि मिल्ने आयोजक समितिको दाबी छ।
अन्तिम चरणसम्म पुगेका उत्कृष्ट प्रतिभालाई आकर्षक पुरस्कार, ट्रफी र प्रमाणपत्र सहित ‘जुम्ला आइडल’को उपाधि प्रदान गरिनेछ। साथै, उत्कृष्ट प्रतिस्पर्धीलाई म्युजिक भिडियो तथा राष्ट्रिय मञ्चमा प्रस्तुती गर्ने अवसर उपलब्ध गराइने बताइएको छ।
स्थानीय दर्शक तथा समर्थकहरूले पनि आफ्नो मनपर्ने प्रतिभालाई एसएमएस भोटिङमार्फत समर्थन गर्न सक्ने व्यवस्था गरिएको आयोजकले जनाएको
