भदौ २८ जुम्ला
जिल्ला करागार जुम्लाबाट भागेका कैदीबन्दीहरु अझै सम्पर्कमा आएका छैनन् । प्रहरी प्रशासनले सम्पर्कमा आउन सूचना जारी गर्दा समेत २३ जना कैदीबन्दी अझै सम्पर्क विहिन अवस्थामा छन् । प्रहरीले फरार रहेका कैदीबन्दीको खोजिकार्य जारी राखेको छ । भदौ २४ गते राति करिब ११ बजेतिर जिल्ला कारागार जुम्लाबाट जेनजी आन्दोलनका क्रममा भागेका कैदीबन्दीहरु अझै सम्पर्कमा नआएको जिल्ला प्रहरी कार्यालय जुम्लाका प्रमुख रबिन बाबु रेग्मीले बताउनु भयो ।
उहाँका अनुसार, भागेका ४१ जना कैदीबन्दी मध्ये अझै २३ जना फरार रहेको बताउनु भयो । शनिबार सम्म १८ जनालाई प्रहरीले नियन्त्रणमा सफल भएको छ । नियन्त्रण्मा लिईएका सबैलाई पुन कारागारमा राख्ने काम भएको छ । अझै २३ जना सम्पर्क विहिन अवस्थामा रहेको रेग्मीले बताउनु भयो ।
जेनजी आन्दोलनका क्रममा भदौ २४ गते राति हुलदङ्गा गरी जिल्ला कारगार जुम्लाबाट ४१ जना कैदीबन्दी भागेका थिए । भागेका मध्ये हालसम्म १८ जनालाई प्रहरीले नियन्त्रणमा लिई सकेको छ । जिल्ला कारागार जुम्लाबाट भागेका कैदीबन्दीहरुलाई मुगु जिल्लाबाट समेत प्रहरीले नियन्त्रणमा लिन सफल भएको छ ।
जिल्ला कारागार जुम्लाबाट भागेका एकजना कैदीबन्दीलाई भदौ २७ गते मुगु जिल्लाबाट प्रहरीले नियन्त्रणमा लिएको रेग्मीले जानकारी गराउनु भयो । फरार अवस्थामा रहेका २३ जनाको खोजि कार्य भइरहेको प्रहरी जनाएको छ । कतै लुकेर बसेको जानकारी पाएको खण्डमा प्रहरीलाई खरब गरि दिनु उहाँले अनुरोध गर्नु भएको छ ।
जेनजी आन्दोलनको मोका छोपि भागेका कैदिबन्दीलाई पुन कारागारमा फर्किन उहाँले अनुरोध गर्नु भएको छ । यदि फर्किने अवस्था नभएको खण्डमा प्रहरीले नियन्त्रणमा लिनका लागि बल समेत प्रयोग गर्न सक्ने उहाँको भनाइ छ । कारागार जुम्लामा ९७ जना कैदीबन्दी मध्ये ५ जना महिला र ९२ जना पुरुष कैदिबन्दी रहेका छन् ।
