पुस १९ गते
राष्ट्रिय प्रजातन्त्र पार्टी ९राप्रपा० को समानुपातिक सूचीमा जुम्लाका चार जना उम्मेदवार समावेश भएका छन् । राप्रपाले सार्वजनिक गरेको जुम्ला जिल्लाको प्रतिनिधिसभाको समानुपातिक सूचीमा दलित महिलातर्फ बिपना नेपाली ९असी दरा०, खसआर्य पुरुषतर्फ जयन्त महत ९बजार क्षेत्र०, खसआर्य महिलातर्फ कमला कुमारी बोहोरा ९बिष्ट० ९चौधबीस दरा० र दलित पुरुषतर्फ बल बहादुर बस्याल ९पानसय दरा० रहनु भएको छ ।
उक्त सूचीले दलित, महिला र खसआर्य समुदायबीच सन्तुलित प्रतिनिधित्व कायम गर्दै जुम्लाका विभिन्न भुगोल र वर्गको सहभागिता सुनिश्चित गरेको राप्रपाको दाबी छ । लामो समयदेखि राज्यका निर्णयकारी तहमा न्युन प्रतिनिधित्व भोग्दै आएको दलित समुदायका लागि यो अवसर आशा, भरोसा र राजनीतिक सशक्तीकरणको प्रतिक बनेको स्थानीयको भनाइ छ ।
समानुपातिक निर्वाचन प्रणालीको मर्म अनुसार गरिएको यस छनोटले लोकतान्त्रिक अभ्यासलाई थप मजबुत बनाउने र जुम्लाको विविध सामाजिक संरचना तथा समुदायको आवाज संघीय संसदसम्म पु¥याउने अपेक्षा गरिएको छ । स्थानीय तहमा समेत यस निर्णयलाई सकारात्मक रूपमा लिइएको छ ।
समावेशिता, समान अधिकार र सामाजिक न्यायलाई व्यवहारमा उतार्ने दिशामा यो कदमले जुम्लामा सकारात्मक राजनीतिक सन्देश प्रवाह गरेको पार्टीले जनाएको छ । प्रतिनिधि सभामा पुगेर जनताको आवाज सशक्त रूपमा उठाउने, हक–अधिकार र विकासका मुद्दालाई प्रभावकारी ढंगले प्रस्तुत गर्ने अपेक्षासहित सूची सार्वजनिक गरिएको राप्रपाका प्रवक्ता ज्ञानेन्द्र शाहीले जानकारी दिनु भएको छ ।
अन्य पार्टीले वेवास्ता गरेको बेला राप्रपाले जुम्लालाई न्याय गरेको विषयमा चर्चा चलेको छ । ठुला भनिएका नेपाली काँग्रेस, नेकपा एमाले र रास्वापाले जुम्लाबाट समानुपातिकमा उम्मदेवार समावेश गरेका छैनन् ।
