साउन २६ जुम्ला
जुम्लामा रहेको शसस्त्र प्रहरी वल नेपाल नं.३३ गण हेड क्वाटर त्रिपुरा जुम्लाको ११ ओैँ वार्षिक उत्सव विभिन्न कार्यक्रम गरि मनाईएको छ । साविक कर्णालीलाई समेट्ने गरि शसस्त्र प्रहरी बल जुम्लामा स्थापना भएको ११ वर्ष पुगेको उपलक्ष्यमा सोमबार आयोजित विशेष समारोह गरि मनाईएको हो । दिवसका अबसरमा उत्कृष्ट कार्य गर्ने, विभिन्न प्रतियोगितामा उत्कृष्ट स्थान हासिल गर्ने शसस्त्र प्रहरीलाई सम्मान तथा पुरस्कृत गरिएको छ ।
कार्यक्रमका प्रमुख अतिथि शसस्त्र प्रहरी बल नेपालका बरिष्ठ उपरिक्षक तथा महेश्वरी बाहिनीका निमित्त बाहिनीपति विनोदराज श्रेष्ठले उच्च पेशागत कौसलता प्रदान गरि जुम्लामा शसस्त्र प्रहरीले आफ्नो पेशागत जिम्मेवारी पुरा गरिरहेको बताउनु भयो । जनताको शान्ति सुरक्षा संगै शान्ति न्याय, सिमा सुरक्षा, राहत विपद व्यवस्थापनमा शसस्त्र प्रहरीले छोटो समयमा उल्लेखीय काम गरेको छ ।
व्यक्तिगत स्वार्थ भन्दा माथि उठेर देश जनताको हितलाई शिरमा राखि काम गर्नु शसस्त्र प्रहरीको मुख्य जिम्मेवारी भएको उहाँको भनाइ छ । कुनै पनि अनुचित प्रभावमा नपरि संगठनले प्रदान गरेको जिम्मेवारीलाई कुशलता पूर्वक पुरा गर्न समेत निर्देशन दिनुभयो । प्राकृतिक सम्भावनाले भरिपूर्ण जुम्लाको विकासले फडको मार्दै गएको उहाँले उल्लेख गर्नुभयो ।
भाषा संस्कृति र सभ्यताले आफ्नो परिचय बनाएको जुम्ला आफैमा ऐतिहासिक जिल्ला भएको उहाँको भनाइ छ । शसस्त्र प्रहरी बल नेपाल नं ३३ गण हेडक्वाटर त्रिपुरा जुम्लाका प्रमुख गणपति निल कमल आर्चायले वार्षिक उत्सवमा सहभागी प्रमुख अतिथि, विशिष्ट महानुभाव तथा अतिथिलाई धन्यबाद ज्ञापन गर्नुभयो ।
सिमित स्रोत साधनका बिच देश जनताको शान्ति सुरक्षा सँगै सिमा सुरक्षा, विपद् व्यवस्थापन लगायतका क्षेत्रमा काम गर्दै आएका उहाँको भनाइ छ । कार्यक्षेत्रमा खटिएर कर्तव्य पालना गरिरहेका सबै दर्जाका शसस्त्र प्रहरीलाई हौसला प्रदान गर्ने माध्यम बार्षिकत्सव भएको उहाँले बताउनु भयो ।
शसस्त्र प्रहरीको ११ औँ वार्षिकत्सवमा जिल्ला समन्वय समितिका प्रमुख गौरीनन्द आर्चाय, तातोपानी गाउँपालिका अध्यक्ष नन्दप्रसाद चौलागाई, गुठिचौर गाउँपालिका अध्यक्ष दान बहादुर बुढा, प्रमुख जिल्ला अधिकारी केदार नाथ शर्मा र सुरक्षा निकायका प्रमुख लगायतको उपस्थिति रहेको थियो ।
