कृष्णमाया उपाध्याय
मंसिर, २९ जुम्ला ।
जुम्ला । जुम्लाको पातरासी गाउँपालिकाका महिलाहरु सिलाई कटाई व्यवसायबाट राम्रो आम्दानी गर्न सफल भएका छन् । पातरासी गाउँपालिकाको चुकेनी साना जलविद्युत आयोजना निर्माण पश्चात त्यहाँको बत्ती प्रयोग गरेर सिलाई कटाइ गर्न थालेपछि राम्रो आम्दानी गर्न सफल भएको बताएका हुन् ।
पहिला हाते मेसिन मार्फत कपडा सिलाउँदा भने जस्तो आम्दानी गर्न नसकेपनि अहिले बत्तीबाट चल्ने मेसिन मार्फत कपडा सिलाउँन पाउँदा भने जस्तो आम्दानी गर्न सफल भएको पातरासी गाउँपालिकाको लासी बजारमा विगत ७ वर्ष देखि यता सिलाई कटाई व्यवसाय गर्दै आएकी सम्झना बुढाले बताइन् ।
सम्झना मात्र होइनन् पातरासीको लासी बजारमा उनि जस्तै १४ जना महिलाहरुले सिलाई कटाई व्यवसाय गर्दै आएका छन् । उनिहरु पहिला कृषि व्यवसायमा आवद्ध रहेको समयमा आर्थिक अभाव झेल्दै आएको भएपनि अहिले आफुलाई पैसा चाहिएको बेला कसैसँग हात थाप्न परेको छैन ।
सिलाई कटाई व्यवसायबाट कमाएको पैसा घर खर्च गरेर पनि बचेको पैसा गाउँ घरमै सञ्चालन हुँदै आएका सहकारी संस्थाहरुमा समेत बचत गर्दै आएको उनिहरुले बताएका छन् ।
सम्झनाले भनिन्, पातरासी गाउँपालिकाका सबै गाउँका मानिसहरु कपडा सिलाउनको लागि आउने भएकाले अहिले आफुहरुले सिलाई कटाईबाट राम्रो आम्दानी गर्दै आएको बताएकी छन् । एक दिनमा ५ जोर जति लुगा सिलाउँदै आएको छु, यसले भने जस्तो आम्दानी गर्न पाउँदा आफ्नो घर खर्च चलाउन सहज भएको छ, उनले भनिन् ।
कुर्ता सुरुवाल, चोलो, लगायतका महिलाहरुका लगाउने सबै प्रकारका कपडा र सामुदायिक विद्यालयका विद्यालय पोशाक समेत सिलाउँदै आएको हुनाले हामीले भने जस्तो आम्दानी गरिरहेका छौ, उनले भनिन् । यहाँ म मात्रै होइन मेरा १४ जना महिला साथीहरुले रिराज परियोजनाको सहयोगमा तालिम पाएर राम्रो आम्दानी गर्न सफल भएका छौ ।
लुगा सिलाइबाट मासिक रुपमा २५ हजार देखि ३० हजार सम्म आम्दानी गर्न सफल भएको महिलाहरुले बताएका छन् । तिज, दसैँ, तिहार जस्ता चाडपर्वको समयमा त्यो भन्दा पनि धेरै कमाई गर्दै आएको उनिहरुको भनाई छ ।
कृषि खाद्य प्रणालीका लागि नविकरणीय उर्जा र च्भ्च्ब्क् परियोजनाको सहयोगमा कककबत्तीबाट चल्ने टुकी मेसिनको सहयोग पाइसकेपछि आफुहरुलाई आर्थिक रुपमा मजबुद बन्न सहज भएको त्यहाँका महिलाहरुले बताएका छन् ।
उनिहरुले भने हामीले सिलाई कटाइ मार्फत त राम्रो आम्दानी गरेका छौँ, तर मेसिन बिगे्रपछि बनाउने ठाउँ छैन, त्यसको लागि हामीलाई मेसिन बनाउने दक्ष जनशक्तीको व्यवस्था जिल्लामा भइदिएको भए सहज हुने बताएका छन्। मेसिन बिग्रेको खण्डमा सुर्खेत र नेपागंज समेत पठाउनु पर्ने समस्या रहेको छ ।
