सुर्खेत । जिल्ला प्रहरी कार्यालय सुर्खेतको हिरासतमा एक थुनुवाको मृत्यु भएको छ। लागुऔषध मुद्दामा पक्राउ परेका वीरेन्द्रनगर–११, पिपिराका ३५ वर्षीय गंगे सुनार शुक्रबार बिहान मृत अवस्थामा फेला परेका हुन्।
प्रहरीका अनुसार सुनार केही दिनअघि लागुऔषध मुद्दामा पक्राउ परेका थिए र जिल्ला प्रहरी कार्यालयको हिरासतमा राखिएका थिए। शुक्रबार बिहान नियमित अनुगमनका क्रममा उनलाई अचेत अवस्थामा फेला पारिएको र तत्काल उपचारका लागि मध्यपश्चिम अस्पताल सुर्खेत लगिएको भए पनि चिकित्सकले मृत घोषणा गरेका हुन।
जिल्ला प्रहरी कार्यालय सुर्खेतका प्रवक्ता प्रहरी नायब उपरीक्षक (डीएसपी) मोहनजङ्ग बुढथापाले घटनाबारे अनुसन्धान अघि बढाइएको जानकारी दिए। उनका अनुसार सुनार हिरासतमा करिब ७८ दिनदेखि रहेका थिए र उनको मुद्दामा शुक्रबार नै अदालतमा पेशी तय भएको थियो।
घटनाबारे अनुसन्धान सुरु गरिएको प्रहरीले जनाएको छ। मृत्युको वास्तविक कारण पत्ता लगाउनका लागि पोष्टमार्टम गरिएको र विस्तृत विवरण पछि सार्वजनिक गरिने प्रहरीको भनाइ छ।
