जुम्ला । विद्युत प्राधिकरणका हाकिम शाहकाे आदेशपछि जुम्लाको डाडाकाेट गाउँ गत हप्तादेखि पूर्ण अन्धकारमा डुबेको छ । गाउँमा नियमित रुपमा आपूर्ति हुँदै आएको बिजुली अचानक काटिएपछि स्थानीयवासीले रातमा बत्तीको सट्टा मट्टीतेल र टर्चलाइटमा निर्भर रहनु परेको छ ।
स्थानीयले आरोप लगाएका छन् कि प्राधिकरणका हाकिम शाहले केही व्यक्तिगत स्वार्थ र विवादका कारण गाउँलाई सामूहिक रुपमा दण्डित गर्ने ढंगले बत्ती बन्द गर्ने आदेश दिएका हुन् । “न त कुनै आधिकारिक सूचना, न त कुनै प्राविधिक समस्या—सिधै बत्ती काटियो,” डाडाकाेटका एक स्थानीय जनप्रतिनिधिले भने, “यो सरासर गाउँवासीमाथिको अन्याय हो।”
बिजुली बन्द भएपछि विद्यालय, स्वास्थ्यचौकी, साना उद्योगधन्दा र घरपरिवार सबै प्रभावित भएका छन् । विद्यार्थीले राति पढ्न नसक्दा परीक्षा नजिकिँदै गर्दा पढाइमा ठुलो असर परेको छ भने स्वास्थ्यचौकीमा रहेको फ्रिजमा राखिएका खोप तथा औषधि बिग्रने जोखिममा परेको छ ।
गाउँवासीले पटक–पटक प्राधिकरण कार्यालयमा गुनासो गर्न खोजे पनि हाकिम शाहसँग भेटघाट नै गर्न नसकेको बताइएको छ । “उनी भेट्नै चाहन्नन्, आदेश उनकाे, पीडा हाम्रो,” एक स्थानीय शिक्षकले भने ।
यस घटनाले स्थानीय समुदाय आक्रोशित बनेको छ र तत्काल समाधान नभए सामूहिक आन्दोलनमा जाने चेतावनी दिएहाकिम शाहकाे आदेशपछि डाडाकोट अन्धकारमा
का छन् ।
