फागुन २३ जुम्ला
जुम्लामा राष्ट्रिय प्रजातन्त्र पार्टीका ज्ञान वहादुर शाही विजयी हुनु भएको छ । २०७९ सालमा निर्वाचित हुनु भएका शाही पुन दोस्रो पटक पनि निर्वाचित हुनु भएको हो । १४ हजार ८१६ मत प्राप्त गर्दै विजयी हुनु भएको हो । शाहीका प्रतिद्धोन्द्धी नेपाली कम्युनिष्ट पार्टी (नेकपा) का उम्मेदवार नरेश भण्डारीले ११ हजार ६३५ मत प्राप्त गर्नु भएको छ । ३ हजार १८१ मतले भण्डारीलाई शाहीले पारजित गर्नु भएको हो ।
२०७९ मा २२ हजार ८१९ मत पाउनु भएका शाहीले दोस्रो पटक १४ हजार ८१६ मत प्राप्त गर्नु भएको छ । विगतमा प्रतिनिधि सभा सदस्य नदोहोर्याउने जुम्लाले यस पटक भने सांसदमा शाहीलाई दोहोर्याएको छ । जुम्लामा ज्ञान वहादुर शाहीले इतिहास रच्नु भएको छ । दुई पटक लगातार प्रतिनिधि सभा सदस्यमा विजय प्राप्त गर्दै शाहीले इतिहास रच्नु भएको हो । २०५६ देखि २०७९ सम्मको निर्वाचनमा एक पटक भन्दा कोहि पनि सांसद दोहोरिएका छैनन् । तर, यस पटक ज्ञान वहादुर शाहीले इतिहास रच्नु भएको छ ।
नेपाली कांग्रेसका उम्मेदवार दिप वहादुर शाहीले ७ हजार १४३, नेकपा एमालेका उम्मेदवार शान्तिलाल महतले ४ हजार ५१८, राष्ट्रिय स्वतन्त्र पार्टीले ४२१, नेपाल मजदुर किसान पार्टीले ४००, .प्रगतिशिल लोकतान्त्रीक पार्टीले ११३, नेपाल जनता पार्टीले ४३, नेकपा माओवादीले ७० र स्वतन्त्र उम्मेदवार भक्त रावलले १४ प्राप्त गरेको मुख्य निर्वाचन अधिकृत आनन्दराज पन्तले जानकारी दिनुभयो ।
जुम्लाका ७१ हजार ७ सय ३९ मतदाता मध्य ४० हजार ८ सय ९७ मत खसेको थियो । जसमा महिला तर्फ २१ हजार १८५ र पुरूष तर्फ १९ हजार ७१२ मत खसेको छ । समानुपातिक ४१ हजार ६३१ मत खसेको मुख्य निर्वाचन अधिकृतको कार्यालयले जनाएको छ । जुम्लामा ५७ प्रतिशत मत खसेको हो । जुम्लामा १ हजार ७०५ मत बदर भएको छ
