वैशाख १३ जुम्ला
जुम्लाको चन्दननाथ नगरपालिका वडा नम्बर ५ कार्कीवाडा निवासी यमराज कार्की -बैरागी बाबु) ले आफ्नो नयाँ कृति ‘जाग्राम जुम्ला’ सार्वजनिक गर्नुभएको छ । कर्णाली प्रदेश स्थापनाका लागि भएको ऐतिहासिक आन्दोलनलाई समेटेर तयार पारिएको उक्त पुस्तक आइतबार एक विशेष समारोहका बीच विमोचन गरिएको हो । विमोचन कार्यक्रममा विभिन्न क्षेत्रका बुद्धिजीवी, समाजसेवी, विद्यार्थी तथा स्थानीयवासीहरूको उल्लेख्य उपस्थिति रहेको थियो ।
कार्यक्रममा बोल्दै लेखक कार्कीले कर्णाली प्रदेश स्थापना गर्ने क्रममा जुम्लामा भएका संघर्ष, आन्दोलनका चरणहरू, स्थानीय जनताको योगदान र त्यस समयको अवस्था पुस्तकमा समेटिएको जानकारी दिनुभयो । उहाँले कर्णालीका जनताले आफ्ना अधिकारका लागि लामो समयसम्म संघर्ष गर्नु परेको उल्लेख गर्दै ती संघर्षका अनुभूति र इतिहासलाई भावी पुस्तासम्म पु¥याउने उद्देश्यले पुस्तक लेखिएको बताउनु भयो । लेखक कार्कीका अनुसार २०७४ सालमा कर्णाली प्रदेश स्थापनाको माग गर्दै जुम्लामा सशक्त आन्दोलन भएको थियो ।
सो आन्दोलनमा हरीबहादुर कुँवर शहिद हुनु भएको थियो । जुम्लामा करिब एक हप्तासम्म निरन्तर रूपमा चलेको आन्दोलनले कर्णाली प्रदेश स्थापनाको मुद्दालाई थप सशक्त र प्रभावकारी बनाएको थियो । उक्त आन्दोलनका क्रममा भएका विभिन्न गतिविधि, प्रदर्शन, सभा तथा जनआन्दोलनका दृश्यहरूलाई पुस्तकमा समेटिएको छ । साथै आन्दोलनले कर्णालीबासीको पहिचान, अधिकार र आत्मसम्मानका लागि खेलेको भूमिकालाई पनि पुस्तकमा उजागर गरिएको लेखकको भनाइ छ ।
उहाँले इतिहासका यस्ता महत्वपूर्ण पाटाहरूलाई लेखेर राख्नु आवश्यक रहेको बताउँदै यसले भविष्यका अनुसन्धानकर्ता तथा पाठकहरूलाई समेत सहयोग पु¥याउने विश्वास व्यक्त गर्नुभयो । कार्यक्रममा सहभागी वक्ताहरूले पनि कर्णाली प्रदेश स्थापना आन्दोलनको इतिहासलाई पुस्तकमार्फत दस्तावेजीकरण गर्नु महत्वपूर्ण कार्य भएको भन्दै लेखक कार्कीको प्रयासको प्रशंसा गरेका थिए । उनीहरूले यस्ता कृतिहरूले स्थानीय इतिहास, संस्कृतिको संरक्षण तथा पहिचान प्रवद्र्धनमा टेवा पुग्ने धारणा राखेका थिए ।
‘जाग्राम जुम्ला’ पुस्तकले कर्णाली प्रदेश स्थापनाका लागि भएका आन्दोलनका विविध आयाम, संघर्षका कथा र जनताको योगदानलाई समेट्दै कर्णालीको इतिहासलाई उजागर गर्ने महत्वपूर्ण दस्तावेजका रूपमा रहने अपेक्षा गरिएको छ । ८० पृष्ठको पुस्तक ३ सय रुपैयाँमा विक्रि भइ रहेको छ ।
