चैत २८ जुम्ला
जुम्लास्थित कर्णाली प्राविधिक शिक्षालयका पूर्व प्रमुख एडिन लसले लामो समयपछि शिक्षालयको अवलोकन गर्नु भएको छ । उहाँले २०४३ देखि २०४४ सालसम्म शिक्षालय प्रमुखका रूपमा कार्यभार सम्हाल्नु भएको थियो । अवलोकनका क्रममा उहाँले शिक्षालयको भौतिक तथा शैक्षिक अवस्थाबारे जानकारी लिनु भएको शिक्षालय प्रशासनले जनाएको छ ।
उहाँको भ्रमणले शिक्षालयको समग्र विकासमा सकारात्मक योगदान पुग्ने अपेक्षा गरिएको छ । वि.सं. २०३७ सालमा स्थापना भएको कर्णाली प्राविधिक शिक्षालय नेपालकै पहिलो प्राविधिक शिक्षालयका रूपमा परिचित छ । शिक्षालयले लामो समयदेखि प्राविधिक धारका दक्ष जनशक्ति उत्पादन गर्दै आइरहेको छ । पूर्व प्रमुख लसको अवलोकनप्रति शिक्षालय परिवारले खुशी व्यक्त गरेको छ । उहाँको अनुभव र सुझावले शिक्षालयको गुणस्तर अभिवृद्धिमा थप टेवा पुग्ने विश्वास गरिएको छ ।
