जुम्ला । जुम्लाको हिमा गाउँपालिकाको सार्वजनिक सुनुवाई कार्यक्रम सम्पन्न भएको छ । आईतबार हिमाको गत आ.व २०८१/०८२ को वार्षिक सार्वजनिक सुनुवाई सम्पन्न भएको हो ।सार्वजनिक सुनुवाई कार्यक्रममा हिमा गाउँपालिका प्रमुख प्रशासकीय अधिकृत रण बहादुर बुढाले वार्षिक भौतिक तथा वित्तिय प्रगति प्रस्तुत गरेका थिए ।
गत आवमा विकास निर्माण, कृषि, पर्यटन, खानेपानी, सिँचाई, विधालय, सडक, भवन लगायतका पूर्वाधार निर्माण तथा चालु तर्फका जनचेतनात्मक तथा उत्पादनमुलक गरी ६१ वटा योजना तथा कार्यक्रम सम्पन्न भएको प्रमुख प्रशासकीय अधिकृत रण बहादुर बुढाले बताए । उनका अनुसार चालु तथा पुँजिगत तर्फका ६१ वटा योजना र कार्यक्रम सम्पन्न हुँदा ७ करोड २१ लाख ७ हजार ४६३ रुपैया खर्च भएको छ ।
कुल बजेट ८ करोड ८१ लाख ४९ हजार विनियोजन गरिएकोमा करिब एक करोडबढी फ्रिज भएको छ ।त्यस्तै संघीय ससर्त अनुदान चालु तर्फ १ करोड ५६ लाख ५१ हजार बराबरका कृषि, सिँचाइ, स्वास्थ्य तर्फका दर्जनौ कार्यक्रम सम्पन्न भएका छन् ।
भने संघीय ससर्त अनुदान पुँजिगत तर्फ १ करोड ६३ लाखका ५ वटा ठुला योजना बनेका छन् । सुविधासम्पन्न विधालय भवन निर्माण, सुरक्षित नागरिक आवास निर्माण, गोरुखोला सडक निर्माण, लगायतका पूर्वाधार निर्माण भएका छन् । साथै संघीय विशेष अनुदानको ८५ लाख लागतमा कालिका मावि तलिकुडुको भवन निर्माण भएको छ ।
साथै संघीय राजश्व वाडफाँड अन्तर्गत ७ करोड ७० लाख खर्चेर ३४ वटा कार्यक्रम सम्पन्न भएका छन् ।प्रदेश ससर्त अनुदान चालु तर्फको १ करोड ६७ लाखका ६ योजना, प्रदेश ससर्त अनुदान पुँजिगत तर्फ २ करोड १३ लाख बराबरका १३ योजना निर्माण भएका छन् ।
प्रदेश समपुरक अनुदानको १ करोड २० लाखमा कैलाश माविको भवन र टाङगेडि देखि छडिघट्ट हुँदै बालु सम्म सडक बृहत्त सिँचाई कुलो निर्माण भएको प्रगति प्रतिवेदनमा उल्लेख छ । गत आवमा हिमाले ७ वटा लगायत विषयगत शाखाबाट गरी २६ लाख बढी आन्तरिक राजश्व संकलन गरेको छ ।
गत आव २०८१/०८२ मा कुल ३८ करोड ९३ लाख ५१ हजार २१५ रुपैया विनियोजन गरिएको थियो ।त्यस्तै पुँजिगत तर्फ विनियोजित ११ करोड ७७ लाख ५० हजार मध्य ८ करोड २५ लाख ८८ हजार ८३९ रुपैयाँ अर्थात ७०.१३ प्रतिशत खर्च भएको छ ।भने चालु तर्फ विनियोजित कुल २७ करोड १६ लाख बढी रकम मध्य खर्च २५ करोड ३२ लाख ६४ हजार अर्थात ९३.२४ प्रतिशत खर्च भएको छ
हिमा गाउँपालिका उपाध्यक्ष लक्ष्मण बहादुर शाहीले स्वास्थ्य,शिक्षा,पूर्वाधार विकास, खानेपानी लगायतका क्षेत्रमा उल्लेखीय काम भएको बताए ।प्रशासकीय भवन निर्माणको प्रक्रिया थालनी, पालिका स्तरीय तेस्रो पढाई मेला सम्पन्न, बालविवाह मुक्त पालिका घोषणा, बृहत्त सरसफाई(वास) सम्मेलन, पाथरखोला र ओदिमा सामुहिक बगैचा स्थापना लगातयतका काम गरिएको बताए ।
जिल्लाका आठ पालिका मध्य उल्लेखीय रुपमा लगानी गर्दै खानेपानी विकासले फड्को मारेको छ । तीन वर्षको अविधमा हिमाका ८० प्रतिशत घरधुरीमा एकघर, एकधारा जडान गरिएको अध्यक्ष शाहीले उल्लेख गरे ।हिमालाई विकास निर्माण, सेवा प्रवाह, सुशासन तथा पारर्दशितामा जिल्लामै अब्बल र समृद्व पालिका बनाउन सबैको रचनात्मक सुझावका आधारमा अघि बढ्ने प्रतिबद्वता व्यक्त गरे ।
कार्यक्रमका प्रमुख अतिथि दिप बहादुर शाहीले हिमाले खानेपानी क्षेत्रमा गरेका उल्लेखीय कामको उच्च प्रशंसा गरे । अझै नागरिकका सुझाव सल्लाहला मध्यनजर गरी विकास निर्माण तथा सेवा प्रवाह अघि बढाउन अनुरोध गरे । उपाध्यक्ष सुर्पना शाहीले सार्वजनिक सुनुवाईमा सहभागि सबैलाई धन्यबाद दिईन् ।
सार्वजनिक सुनुवाई कार्यक्रम पालिकाको आयोजना तथा गिडिदह मिडिया प्रा.लिको सहजीकरणमा सम्पन्न भएको हो ।।कार्यक्रममा हिमा नारिकको बाक्लो सहभागिता थियो ।
